Identidade

S'istoria

Sa Dinamo naschet in Tàtari in su 1960, naschet in su campeddu de s'istorica iscola de Santu Giuseppe, in su tzentru de sa tzitade, naschet pro passione de sa pallacanestro dae unu grupu de istudentes de su Liceo Azuni, istitutu tzitadinu. S'idea naschet, creschet e s'isvilupat, arraighinada e cundivisa. S'isvilupat, ca sa Dinamo Banco di Sardegna dae 50 annos a oe est s'iscuadra de Tàtari, est s'iscuadra de sa Sardigna, est s'iscuadra de su pòpolu sardu. Sa Dinamo est sa sotziedade isportiva chi tenet sas raighinas suas in sa terra sua e chi at s'onore de rapresentare sa tzitade, s'Isula e sa gente sua in su Mediterraneo, in s'Europa e in su Mundu.

Sa Dinamo e sa Sardigna

Sa Dinamo est giai diventada unu riferimentu, pro totus sos sardos de Sardigna e de totu su mundu. Una Sardigna chi geograficamente e strategicamente est dae semper a su tzentru de su Mediterraneo, dae milli annos e prus puntu de passagiu e evolutzione de pòpulos e culturas. Contaminatziones positivas, chi dae sa limba a s'istoria, dae sa cultura a sas traditziones passende pro sa massarìa ant contribuidu a fàghere su 'background' de un'Isula incantada e unica. Sa Dinamo lu torrat a nàrrere e nche lu batit in su presente, atraende sas mezus ecellentzias de s'isport chi benint dae sa penìsula, dae s'Europa e dae s'àter'ala de s'Atlanticu, figuras giamadas a nche agabare un'idea chi si cheret mustrare, podet mustrare e cheret, isportivamente, cumpetere. Ca est propiu una passione de traversu sa chi prendet s'Isula e sos abitantes suos chi dat s'idea de una realidade in ue sa Sardigna s'agatat, realidade chi apartenet a sa Sardigna e chi est patrimoniu de Sardigna. Sardigna chi comente amus nadu, colat su mare e si presentat a s'inforas gratzias a una màgine ispeciale, sana e binchente de sa Dinamo.

Su progetu 2018

Sa Dinamo chi creschet, chi allargat sa cussèntzia, chi in su prospetivu e su megius lompimentu de su progetu si ispirat a àteras realidades importantes e arraighinadas de su continente betzu, cherfende de divènnere unu esèmpiu de sighire. Una Dinamo chi est prus de unu giogu, chi bortat su progetu 'biancoblu' in unu simbulu chi cheret sighire in sos tempos, chi siat reconnòschidu puru a prus livellos. Sos tifosos de sa Dinamo sunt tataresos e casteddaios, benint dae S'Alighera, Bolotzana e Samugheo, dae sa Gaddura e dae sa provintzia de Nùgoro.

[quote author = "Dan Peterson" position = "allenadore"]

Comente cumporre un'iscuadra binchente: torra a abaidare sa mentalidade, ma puru un'idea chi àndat a dae de su semplitze campionadu. Su carrigu chi pesat subra s'iscuadra, comente sa Dinamo, est su resèssere a rapresentare una indentitade territoriale giara, unu pòpulu, una regione.

[/quote]

Sa bandera

Sas banderas chi si riferint a sa Sardigna, sas chi rapresentant e intre sas cales sos sardos si reconnoschint, sunt semper istadas presentes cando bi sunt sos ventos mannos (chi siant cuncertos, reunion, manifestadas sotziales o isportivas), mustradas cun fieresa dae totucantos, chi siant a sa sola o in grupos, o siant iscuadras. Unu esèmpiu sunt sos istudentes Erasmus, chi bivent comente festas e momentos de identificada ogni partida giocada in Europa dae s'iscuadra, agatendesi in sos ispuntones e torrende a intèndere su sabore de s'Isula lassada pro istudiare ma semper presente in sa conca e comente logu de abratzare, su primu possibile. Ma esèmpiu est puru gente meda de sos circulos sardos in sa penisula e su continente betzu, chi si est netzessàriu, cun fieresa faghent intèndere s'agiudu issoro, s'afetu issoro de emigrados chi no ismentigant sas origines e, antzis, las torrant a iscovacare e las bivent una partida fatu s'àtera, unu puntu fatu s'àteru.

Fondazione

Dinamo chi si nche aciapat cun sa Sardigna, chi la bivet, chi tenet a sa gente sua, cun interesse ativendesi puru in su sotziale, intre sa Fondazione Dinamo. Medas sunt sas atividades de agiudu cumpridas dae una realidade chi si ponet a riverire sa gente. In sa Canotta 2013-2014 si podet bìdere bene su logo “End Polio Now”, ma medas sunt sas collaboratziones cun Emergency, Unicef, Gils, Associazione Thalassemici, medas sunt sas manifestadas pro cussentziare e pro chircare dinari chi sunt allogadas in su palatzeddu o chi ant comente testimonial sos mannos biancoblu. Una Dinamo chi cheret proàre a fagher prus de s'eventu isportivu, pro chircare de educare a su bìvere comune, a su mandigu sanu, a su rispetu pro s'ambiente, a sa pratichesa de su sport e fàghere movimentu.

Modellu

Sas binchidas, sas megiorias àpidas donant balìa a Tàtari e a s'Isula. Su de s'agatare in una binchida donat fidùtzia e ammadurat s'autoistima, su èssere tifosu biancoblu est unu pensamentu forte de apartènnere chi arrumbat in su sport ma chi andat prus a dae. Sa Dinamo rapresentat sa Sardigna chi cheret e resessit a bessire a pigiu. Sa Dinamo, unu club chi aberit sas giannas suas a sas gente, chi no impedit, ma includit. Una Dinamo chi est esèmpiu de ecellèntzia, chi est unu 'sistema' de favorèssere, afortigare e esportare, fenomenu chi aunit e nche ghetat sas chesuras, chi ispassiat sos tifosos suos intro su campu e pensat a issos etotu foras. Una Dinamo chi est manna intre sos mannos, cun sa Sardigna in sa mallia e unu pòpulu intreu a gosare in palas suas.

[quote author = "Peter Ezugwu" position = "ex-giogadore de sa Dinamo"]

M'ant preguntadu duas o tres personas comente mai no faeddo mai de Pavia e semper de Tàtari e ripondo semper custu, chi Pavia est semper in su coro meu, so unu super tifosu e istimo Pavia e su presidente, PERÒ in Tàtari parìat chi sa Dinamo fiat sa fieresa de s'Isula, mi intendìat de àere una responsabilidade mai àpida in 20 annos de basket, giogaìat pro totu su pòpulu, una genia chi gherrat pro èssere rispetada, unu pagu comente pro tzerta gente in America. Su basket balìat de prus pro custa gente... EST VIDA... pro custu naro chi pro su chi bi restat de sa vida custa gente at a istare semper cun megus, gana manna in totu !!!

[/quote]

Sardigna de esportare

Sa prus importante Istitutzione isolana at crètidu e crèet meda in su progetu Dinamo, in sa tot alidade sua, connoschende cun cuntentesa manna e cumbintzione a sa sotziedade e a s'iscuadra, sa capatzidade manna de atràere s'atentzione, de ispricare e fagher bantu de sos valores positivos, de aunire a suta sos colores de una bandera ebìa totus sos sardos paris, de èssere su simbulu de un'Isula chi binchet e ischit comente nche lòmpere in altu sa essentzia sua e su chi prodùit. Printzìpios de sport, valores e figura sana, presas a una disciplina intre sa cale in difesa si gherrat pro bardiare tzertesas e posiduras e in atacu si b’ispassiat mustrende sa bellesa de su sport, de sas gestas atleticas/tecnicas e de sa bravura a totu su mundu. Custas particularidades, custas capatzidades reconnòschidas, faghent de su team biancoblu unu de sos megius esèmpios intre su cale s'Istitutzione at puntadu e puntat pro avalorare e fagher connòschere sa Sardigna a totu su mundu. Est iscontadu duncas fàghere s'abinamentu intre sas duas ecellentzias, cun sa Dinamo chi nche leat sa Sardigna cun isse in d'ogni ocasione, in sa mallia e semper in sas bessidas. Una Sardigna de contare e de favorèssere, isfrutende appeal e sa fatzilidade de su trasmìtere su messagiu. Messagiu bortas meda imbiadu e retzidu, in Itàlia comente in Europa e in calesisiat logu bi siant sardos e tifosos bancoblu.

[quote author = "Fabrizio De Andrè" position = "cantautore"]

Sa vida in Sardigna est forsis sa mezus chi un omine potzas s'augurare; vintibatoro migias chilometros de padentes, de baddes, de costas... abbojat cun su chi deo diat cunsigiare a Deu de nos donare comente Paradisu.

[/quote]